5 ნაბიჯი მიწის რეგისტრაციისთვის

წინამდებარე სტატია ეხება იმ პირებს რომელთაც ჯერ ვერ დაირეგისტრირეს მიწის ნაკვეთი და მასზე განთავსებული შენობა ნაგებობებით ან მის გარეშე სხვა და სხვა მიზეზით. ერთ-ერთ საქმეზე რომელსაც პირადად ვაწარმოებდი, მახსოვს კლიენტმა არ თქვა სრული ინფორმაცია, მათ შორის ის, რომ საქმე უკვე სასამართლოში იყო ნაწარმოები ამან კი ის გამოიწვია, რომ მიუხედავად იმისა, რომ დასტურდება მოდავე მხარეს რეალურად ნაკლები ფართობის ნაკვეთი ჰქონდა უძრავი ქონება ვერ დაირეგისტრირა, რადგანაც რატომღაც გადაწყვიტა, რომ ადვოკატის გარეშე უკეთ გაართმევდა თავს.  

დღეს არსებული გამოწვევები გამოძახილია სხვა და სხვა დროს, არარსებული ერთიანი ბაზის არ ქონით ან/და მცდარი და გადაუმოწმებელი მონაცემების. ყველაზე ხშირად პრობლემები გვხვდება ე.წ. ყვითელ ფენასთან მიმართებაში.  

რა არის ყვითელი ფენა? 1997 წელს მივიღეთ სამოქალაქო კოდექსი, ამ კოდექსმა განსაზღვრა საჯარო რეესტრის ფუნქცია რისთვისაც საჭირო გახდა უძრავი ქონების ერთიანი ბაზის შექმნა იმ სახით როგორიც დღეს არის. 1998-წლიდან 2003 წლამდე USAID-ის დახმარებით განხორციელდა მიწის ნაკვეთების აზომვა მთელი საქართველოს მასშტაბით და ერთიანი საკადასტრო გეგმის შექმნა, რასაც დღეს წარმოადგენს ყვითელი ფენა. თუმცაღა პროექტის მასშტაბურობიდან და იმ ფაქტიდან გამომდინარე რომ არ იყო საკმარისი ადამიანური რესურსი მიწის ნაკვეთების აზომვა და რეგისტრირება მოხდა საკმაოდ დიდი ხარვეზებით. კერძოდ:  

- არ ხდებობდა ნამდვილი მესაკუთრის იდენტიფიცირება და უბრალოდ ვინც რა შენობაზე მიუთითებდა ან მიწის ნაკვეთზე ის აისახებოდა მის სახელზე;  

- ასევე რიგ შემთხვევაში არასწორად ხდებოდა მაიდენტიფიცირებელი მონაცემების შეყვანა: მაგალითად პირს შეიძლება პასპორტის მიხედვით ერქვა თუმური მაგრამ მონაცემებში აისახებოდა როგორც თემო ან შეიძლება სულ სხვა სახელიც კი მიეწერათ;  

ეს მხოლო მცირე ჩამონათვალია იმ პრობლემებისა რაც გვხვდება რეგისტრაციის პროცესში. 

1 ნაბიჯი - მიუხედავად იმისა, რომ კანონით განსაზღვრულია საჯარო რეესტრის ეროვნულ სააგენტოს ვალდებულება თვითონ მოახდინოს უფლების დამდგენი დოკუმენტების მოძიება გირჩევთ თქვენ თვითონ პირადად მოიძიოთ უფლების დამდგენი დოკუმენტები (საკომლო წინგიდან ამონაწერი, მებაღის წიგნაკი, მიღება ჩაბარების აქტი, შემოსავლების სამსახურიდან გამოითხოვოთ ინფორმაცია მიწის გადასახადის გადამხდელის შესახებ); 

2 ნაბიჯი - თუ თქვენ აპირებთ მიწა დაირეგისტრიროთ რომელიც ეკუთვნოდა თქვენს გარდაცვლილ ოჯახის წევრს (მამას, დედას, ბაბუას ბებიას და ა.შ.) ასეთ შემთხვევაში აუცილებელია ჯერ სამკვიდრო მოწმობის გაკეთება რათა გახდეთ მემკვიდრე, რადგანაც სხვანაირად მიწას ვერ დაირეგისტრირებთ ერთი მარტივი მიზეზის გამო: თქვენ არ ხართ მემკვიდრე (ამის თაობაზე დეტალურად მაქვს ახსნილი პოსტში "მემკვიდრეობა და შენი უფლებები – რა გეკუთვნის კანონით" ) რაც შეეხება საკომლო წიგნს და იქ სამკვიდროს გახსნას მას სულ სხვა წესები აქვს და არ გამოიყენება ჩვეულებრივი სამკვიდროს წესები, ამაზე სხვა დროს ვისაუბრებთ; 

3 ნაბიჯი - თუ კი თქვენ უკვე მოიძიეთ შესაბამისი დოკუმენტი ან მემკვიდრე ხართ, შემდეგი ეტაპია საკადასტრო აზომვითი ნახაზის გაკეთება და მისი წარდგენა საჯარო რეესტრის ეროვნულ სააგენტოში; 

4 ნაბიჯი - საკადასტრო აზომვითი ნახაზის შედგენის დროს სერტიფიცირებულმა ამზომველმა წესით და რიგით უნდა მოგაწოდოთ ინფორმაცია ყვითელი ფენების შესახებ, კონკრეტულ ნაკვეთზე ვისი უფლება არის რეგისტირებული ასეთის არსებობის შემთხვევაში. თუ ხდება ზედდება სხვის რეგისტირებულ მონაცემებთან აუცილებელია გამოითხოვოთ საჯარო რეესტრის ეროვნული სააგენტოდან სარეგისტრაციო მონაცემების სააღრიცხვო ბარათი, სადაც უნდა იყოს მითითებული რა უფლების საფუძველზეა რეგისტრირებული ეს მონაცემები. იმ შემთხვევაში თუ არ არსებობს სააღრიცხვო ბარათი არც მონაცემები არსებობს ანუ არასწორი ჩანაწერია, რომელიც მარტივად გაუქმებადია. აი თუ არის ეს მონაცემები დაცული მაშინ სხვა ჟანრის პრობლემატიკასთან გვაქვს საქმე;

5 ნაბიჯი - სარეგისტრაციო წარმოების პროცესში აუცილებელია ამ წარმოების კონტროლი, ეს გულისხმობს კვირაში ერთხელ მაინც უნდა შემოწმდეს რა გადაწყვეტილება იქნა მიღებული საჯარო რეესტრის მიერ, რის საფუძველზე რაზე დაყრდნობით. იმ შემთხვევაში თუ კი არ ეთანხმებით აუცილებელია შესაბამისი მოსაზრების წარდგენა ხოლო თუ საჯარო რეესტრი არ გაითვალისწინებს თქვენს მოსაზრებებს უკვე 30 დღიანი ვადაში მისი გასაჩივრება ჯერ ზემდგომ ადმინისტრაციულ ორგანოში ხოლო შემდგომ სასამართლოში. ამ ეტაპზე მისვლამდე უმჯობესია კონსულტაცია გაიაროთ კვალიფიციური იურისტთან / ადვოკატთან, მათ შორის შეგიძლიათ მიაკითხოთ საჯარო რეესტრის ეროვნულ სააგენტოს და დეტალურად გაიგოთ უარის მიზეზი, რადგანაც ამისი არათუ უფლება არამედ ვალდებულება აქვს საჯარო რეესტრის ეროვნულ სააგენტოს როგორც ადმინისტრაციულ ორგანოს, მათ შორის გაითვალისწინოს თქვენი შუამდგომლობები, გამოითხოვოს დამატებითი დოკუმენტები და იყოს ობიექტური. 

რაც შეეხება სასამართლოს, სასამართლოში დავის წარმოება სულ სხვა სპეციფიკაა და იქ უკვე პროფესიონალების დახმარებას გირჩევთ.  

აქვე გასათვალისწინებელია, რომ სასამართლოში საქმის წარმოება დაკავშირებულია ძირითადად იმ დოკუმენტებთან და თქვენს მიერ გადადგმულ ნაბიჯებთან სარეგისტრაციო წარმოების პროცესში, შესაძლებელია თქვენი აზრით მართალს უთითებდით სარეგისტრაციო წარმოების პროცესში მაგრამ ამან უარყოფითი გავლენა იქონიოს სასამართლო დავის მიმდინარეობის დროს. შესაბამისად უკეთესი არის და იქნება თუ თავიდანვე მიმართავთ კვალიფიციურ პირს ამ შემთხვევაში კი ადვოკატს. 

აქ რაც ავღწერეთ ეს ის ხშირი შემთხვევებია რაც გვხდება ამის გარდა შეიძლება იყოს უამრავი დეტალი, რომელიც შეიძლება იწყებოდეს მებაღის წიგნაკში არასწორი სახელი ან გვარის მითითებით და მთავრდებოდეს გარდაცვლილი ოჯახის წევრის დაბადების მოწმობაში არასწორი მონაცემებით. შესაბამისად თითოეულ საქმეს აქვს თავისი სპეციფიკა.

 სრული საადვოკატო და იურიდიული მომსახურება

ადვოკატი გურამ კონტუაძე

არა სისტემური ადვოკატი

 tel/viber/WhatsApp/telegram/signal: +995 591 976764

 guram.kontuadze@gmail.com

www.advokontu.ge

პრეცედენტებს ვქმნით ჩვენ!