მშობლის უფლება მოვალეობები სკოლამდელ დაწესებულებაში ბაღში

წინამდებარე სტატიით შევეცდები მოკლედ ავხსნა მშობლის უფლებები და მოვალეობები რომელსაც ვხედავ ადვოკატის თვალით. საქართველოს კანონით ადრეული და სკოლამდელი აღზრდისა და განათლების შესახებ, რეგულირდება საქართველოში ადრეული და სკოლამდელი აღზრდისა და განათლების მიწოდების შესახებ პირობები.სკოლამდელი აღზრდა და განათლება  ნიშნავს – 2 წლის ასაკიდან ზოგადი განათლების დაწყებითი საფეხურის პირველ კლასში შესვლამდე პერიოდს;     

საქართველოში ბავშვის აღზრდა და განათლება უფასოა, ასევე უფასოა მათი კვებაც (დაწესებულებაში კვების ორგანიზებისა და რაციონის კვებითი ღირებულების ნორმების დასადგენად   სამინისტროს წარდგინებით ამტკიცებს ტექნიკურ რეგლამენტს, სამინისტრო დაწესებულებაში სანიტარიულ-ჰიგიენური ნორმების დაცვის წესების დასადგენად შეიმუშავებს ტექნიკურ რეგლამენტს და მას დასამტკიცებლად წარუდგენს საქართველოს მთავრობას, ხოლო საჯარო სამართლის იურიდიული პირი − სურსათის ეროვნული სააგენტო ამოწმებს დაწესებულებაში სურსათის უვნებლობას საქართველოს კანონმდებლობით დადგენილი წესით.), საინეტერესოა ისიც, რომ აღნინული განათლების ხელმისაწვდომობა არის ნებაყოფლობითი, შესაბამისად მშობლის არჩევნია ისარგებლებს თუ არა აღნიშნულით მისი შვილი;                                         

დაწესებულებაში სწავლების ენა უნდა იყოს  ქართული ენა, აფხაზეთის ავტონომიურ რესპუბლიკაში − აგრეთვე აფხაზური, ამასთანავე შესაძლებელია იქ სადაც ეთნიკურ უმცირესობა სჭარბობს ასევე იყოს სხვა ენაზე.  დაწესებულება ვალდებულია უზრუნველყოს, რომ დაწესებულების აღმზრდელ-პედაგოგი, აღმზრდელი და სხვა პერსონალი ფლობდნენ და იყენებდნენ არაძალადობრივი მოპყრობისა და აღზრდის მეთოდებს, აგრეთვე მათ ჰქონდეთ ინფორმაცია ბავშვის მიმართ ძალადობის შედეგებისა და პასუხისმგებლობის ფორმების თაობაზე. ეს  ნიშნავს იმას, რომ ბაღში აკრძალულია ნებისმიერი სახის ძალადობა ძალადობის შემთხვევაში გთხოვთ დაუყონებლივ მიმართოთ სამართალდამცავ ორგანოებს და ასევე ადვოკატს რომელიც დაიცავს თქვენს უფლებებს.    

დაწესებულებამ რომელსაც სურს მიაწოდოს ადრეული და სკოლამდელი აღზრდისა და განათლების მომსახურება,   ვალდებულია გაიაროს ავტორიზაცია, ავტორიზაციის გავლა ნიშნავს კანონის მიერ მოთხოვნილი შესაბამისი ვალდებულებების შესრულება. დაწესებულების ავტორიზაციის ვადაა 4 წელი.ამასთანავე კანონი განასხვავებს დაწესებულებას (რომელიც არის იურიდიული პირი თუმცა არის ე.წ. კერძო) ხოლო მეორეს უწოდებს საჯაროს რომლის დამფუძნებელი არის მუნიციპალიტეტი, ამასთანავე საჯარო დაწესებულება დამფუძნებელს ყოველწლიურად, მუნიციპალიტეტის მიერ დადგენილი გეგმის მიხედვით წარუდგენს წლიურ და ფინანსურ ანგარიშებს, ასევე მუნიციპალიტეტის მერიის შესაბამისი სტრუქტურული ერთეულის ან/და მუნიციპალიტეტის მიერ დაფუძნებული არასამეწარმეო (არაკომერციული) იურიდიული პირის მიერ საჯარო დაწესებულების საქმიანობის კონტროლის განხორციელების სტანდარტები დგინდება საქართველოს მთავრობის დადგენილებით. იმ შემთხვევაში თუ მუნიციპალიტეტს პროგრამაში ჩართული არანაკლებ 10 ბავშვის მშობლების/კანონიერი წარმომადგენლების მოთხოვნით მიმართავს, მუნიციპალიტეტი ვალდებულება განახორიცელოს ამ დაწესებულების არაგეგმური კონტროლი.        

საჯარო დაწესებულება საზოგადოებრივ საწყისებზე ქმნის  საკონსულტაციო საბჭოს, საკონსულტაციო საბჭოს ჰყავს 7 წევრი, 5 მშობელი/კანონიერი წარმომადგენელი და 2 აღმზრდელ-პედაგოგი. ისგანიხილავს საჯარო დაწესებულების ფინანსურ ხარჯებს და ქონების აქტივების მართვის საკითხებს და საჯარო დაწესებულების ადმინისტრაციას შესაბამის რეკომენდაციებს აძლევს, ასევე წესდების შესაბამისად განიხილავს ბავშვთა მშობლების/კანონიერი წარმომადგენლების საჩივრებს და საჯარო დაწესებულების ადმინისტრაციას აძლევს რეკომენდაციებს პრობლემების აღმოსაფხვრელად. 

სკოლამდელი აღზრდისა და განათლების ჯგუფები უნდა დაკომპლექტდეს შემდეგი მაქსიმალური ოდენობების მიხედვით, 2-დან 3 წლამდე ბავშვების ჯგუფში შეიძლება იყოს არაუმეტეს 25 ბავშვისა, 3-დან 4 წლამდე  ბავშვების ჯგუფში შეიძლება იყოს არაუმეტეს 30 ბავშვისა, 4-დან 5 წლამდე ბავშვების ჯგუფში შეიძლება იყოს არაუმეტეს 30 ბავშვისა.  

ამასთანავე თითოეულ ჯგუფში აღმზრდელ-პედაგოგების/აღმზრდელების რაოდენობა უნდა განისაზღვროს შემდეგი თანაფარდობით, 2-დან 3 წლამდე ბავშვების ჯგუფში აღმზრდელ-პედაგოგების/აღმზრდელების ბავშვებთან თანაფარდობა არ უნდა იყოს  1:13-ზე მეტი, 3-დან 4 წლამდე ბავშვების ჯგუფში აღმზრდელ-პედაგოგების/აღმზრდელების ბავშვებთან თანაფარდობა არ უნდა იყოს 1:15-ზე მეტი, 4-დან 5 წლამდე ბავშვების ჯგუფში აღმზრდელ-პედაგოგების/აღმზრდელების ბავშვებთან თანაფარდობა არ უნდა იყოს  1:15-ზე მეტი;                                                        

სწავლების პერიოდში საჯარო დაწესებულებამ უნდა უზრუნველყოფს, ადრეული და სკოლამდელი აღზრდისა და განათლების საყოველთაო ხელმისაწვდომობა  ყველა ბავშვისთვის, ადრეული და სკოლამდელი აღზრდისა და განათლების მომსახურების მიწოდების პროცესში ბავშვთა მშობლების/კანონიერი წარმომადგენლების ჩართულობას,  ვალდებულია ხელი შეუწყოს სკოლამდელი აღზრდისა და განათლების პროცესში ბავშვის სპორტულ აქტივობას, რომლის მიზანი უნდა იყოს ადრეულ ასაკში ბავშვის ცხოვრების ჯანსაღი წესის დამკვიდრება.