მივლინება, მისი ანაზღაურების წესი და პირობები
18-01-2021 9 339
- წინამდებარე სტატიის ფარგლებში მცირედით ავხსნა განვმარტო მივლინების დანიშნულება, მისი გამოყენების წინაპირობები და მისი ანაზღაურების წესი. სტატია აგებული იქნება კითხვა პასუხის რეჟიმში რათა უფრო მარტივად აღსაქმელი იყოს.
- 1 კითხვა: რომელი ნორმატიული აქტები არეგულირებს მივლინებას, მისი ანაზღაურების წესსა და პირობებს?
1 პასუხი: საქართველოს ორგანული კანონის შრომის კოდექსის 21-ე მუხლი, საქართველოს ფინანსთა მინისტრის ბრძანება N220 „დაქირავებულისათვის გადახდილი სამივლინებო ხარჯების ნორმების განსაზღვრის შესახებ“ და საქართველოს საგადასახადო კოდექსი; - 2 კითხვა: რას ნიშნავს მივლინება?
2 პასუხი: მივლინება არის დამსაქმებლის მიერ დასაქმებულის სამუშაო ადგილის დროებით შეცვლა, სამუშაოს ინტერესებიდან გამომდინარე. ნორმის აგებულების მიხედვით მივლინებისათვის აუცილებელია სამუშაო ადგილის დროებითი შეცვლა მოხდეს და აღნიშნული კი სამუშაოს ინტერესებიდან იყოს გამოწვეული; - 3 კითხვა: რამდენ ხნიანი შეიძლება იყოს მივლინება?
- 3 პასუხი: აღნიშნულზე პირდაპირი პასუხი არ არის მითითებული შრომის კოდექსში, თუმცაღა თუ კი მივლინება სცდება 45 კალენდარულ დღეს (წელიწადში) მაშინ ივარაუდება, რომ მოხდა შრომითი ხელშეკრულების არსებითი პირობების შეცვლა;
- 4 კითხვა: რას ნიშნავს შრომითი ხელშეკრულების არსებითი პირობის შეცვლა?
4 პასუხი: არსებითი პირობა ნიშნავს, რომ მასზე უნდა მოხდეს ორმხრივი შეთანხმება, ანუ არა დამსაქმებლის სურვილი არამედ დასაქმებულის თანხმობაც უნდა იყოს სახეზე, შესაბამისად 45 კალენდარულ დღეზე მეტი წელიწადში პირი ვერ იქნება მივლინებული თუ ამაზე არ არსებობს მხარეთა შეთანხმება; - 5 კითხვა: ვინ არის ვალდებული აანაზღაუროს მივლინებასთან დაკავშირებული ხარჯი?
- 5 პასუხი: მივლინებასთან დაკავშირებულ ყველა ხარჯი უნდა აანაზღაუროს დამსაქმებელმა იმიტომ, რომ მივლინება ხორციელდება დამსაქმებლის ინტერესების გამო. ამასთანავე ზოგჯერ არის ხოლმე შემთხვევები როცა ჯერ დასაქმებული სწევს აღნიშნულ ხარჯს ხოლო შემდგომ ანაზღაურებს დამსაქმებელი, თუმცა ვფიქრობ ასეთი მიდგომა მიუღებელია და სიტყვა „აუნაზღაუროს“ ნიშნავს არა დე ფაქტოს ანაზღაურებას არამედ წინსწრებ ანაზღაურებას (თუმცაღა აღნიშნულის საპირისპიროდ კანონქვემდებარე აქტი ანუ მინისტრის ბრძანება მოითხოვს წარმოდგენილი დოკუმენტების საფუძველზე განხორციელდეს ანაზღაურება რაც ცვლის ორგანული კანონის დანაწესს, შესაბამისად ორგანული კანონის უპირატესობის გამო ვთვლი, რომ აღნიშნული დანაწესი შემდგომი ანაზღაურებისა არის ბათილი. მიუხედავად ჩემი შეხედულებისა მინისტრის ბრძანებაში ჩანაწერი ასეთი სახისაა „მგზავრობისა და ბინის დაქირავების ხარჯების ნორმები განისაზღვრება ფაქტობრივად გაწეული ხარჯების მიხედვით დამადასტურებელი საბუთების წარმოდგენის საფუძველზე“);
- 6 კითხვა: არის თუ არა მივლინების არსებითი პირობების ცვლილება შესაძლებელი?
6 პასუხი: თუ კი მხარეები ანუ დამსაქმებელი და დასაქმებული თანხმდებიან შრომითი ხელშეკრულებით განსხვავებულ წესზე მაშინ განსხვავებულ წესზე შეთანხმებას გააჩნია უპირატესობა კანონისმიერ დანაწესთან შედარებით (2-დან 5-ე კითხვის ჩათვლით რაც არის მითითებული) ანუ შესაძლებელია არა 45 არამედ 100 კალენდარული დღე ჩაითვალოს მივლინებისათვის საჭირო დროდ და ის არ იქნება ბათილი შეთანხმება; - 7 კითხვა: ითვლება თუ არა ხელფასად მივლინების ხარჯი?
- 7 პასუხი: საქართველოს საგადასახადო კოდექსის 101 მუხლი 3 ნაწილის ა ქვემუხლის საფუძველზე: ხელფასის სახით მიღებულ შემოსავალში არ შედის: ა) დაქირავებულისათვის გადახდილი სამივლინებო ხარჯების ანაზღაურება საქართველოს ფინანსთა სამინისტროს მიერ განსაზღვრული ნორმის ფარგლებში;
- 8 კითხვა: მივლინების თანხის ოდენობა როგორ განისაზღვრება?
- 8 პასუხი: აღნიშნულს განსაზღვრავს საქართველოს ფინანსთა მინისტრის ბრძანება N220 „დაქირავებულისათვის გადახდილი სამივლინებო ხარჯების ნორმების განსაზღვრის შესახებ“;
- 9 კითხვა: რამდენი სახის მივლინება არსებობს?
- 9 პასუხი: მინისტრის ბრძანება პირობითად ყოფს ორი მივლინების სახეს ერთი არის შიდა მივლინება (საქართველოს სახელმწიფოს შიგნით) და მეორეა გარე მივლინება (საქართველოს სახელმიწფოს გარეთ);
- 10 კითხვა: რა სახით ანაზღაურდება ქვეყნის შიდა მივლინება?
- 10 პასუხი: ქვეყნის შიგნით მივლინების სადღეღამისო ხარჯების ნორმა განისაზღვრება 15 ლარის ოდენობით. თუ კი სამუშაოს ადგილიდან 30 კმ-მდე მანძილზე მივლინებისას, როდესაც შესაძლებელია სამუშაო (საცხოვრებელ) ადგილზე იმავე დღეს დაბრუნება, ანაზღაურდება მხოლოდ მგზავრობის ხარჯები;
- 11 კითხვა: მივლინების დღეებში ივარაუდება თუ არა დასვენებისა და სადღესასწაულო დღეებიც?
11 პასუხი: გაიანგარიშება მივლინებაში ფაქტობრივად ყოფნის დღეები, დასვენებისა და სადღესასწაულო, აგრეთვე მივლინებაში გამგზავრებისა და მივლინებიდან დაბრუნების დღეების გამოურიცხავად (როგორც შიდა მივლინების ასევე გარე მივლინების დროს გამოიყენება აღნიშნული დანაწესი); - 12 კითხვა: რამდენი სახის მივლინება არსებობს ქვეყნის გარეთ?
12 პასუხი: ქვეყნის გარეთ არსებობს ორი სახის მივლინება: მოკლევადიანი 30-ათ დღიანი და გრძელვადიანი 30-ათ დღეზე მეტი; - 13 კითხვა: როგორ ანაზღაუდება ქვეყნის გარე ქვეყნის გარეთ მივლინება?
13 პასუხი: მგზავრობის ხარჯები ანაზღაურდება შესაბამის მიმართულებაზე არსებული მგზავრობის ღირებულების გათვალისწინებით, მაგრამ არაუმეტეს ეკონომკლასის (ან მისი შესაბამისი კლასის) ბილეთის ღირებულებისა, ხოლო სადღეღამისო ხარჯების ნორმები განისაზღვრება იმავე ბრძანების დანართი N1-ის მიხედვით (ანუ ჩამოთვლილია ქვეყნები და დღიური ანაზღაურების ოდენობა) მაგალითად: ავსტრალიაში, ავსტრალიური დოლარით განისაზღვრება, მოკლევადიანი ანაზღაურებისას 43 დოლარით განისაზღვრება ნორმა, საზღვარგარეთ საქართველოს დაწესებულების მოსამსახურეთათვის მოკლევადიანი მივლინებისას იმ სახელმწიფოს შიგნით, სადაც მდებარეობს ეს დაწესებულება 30 დოლარით განისაზღვრება, ხოლო დღეღამეში ბინის დაქირავების ხარჯების ანაზღაურების ნორმა შეადგენს 135 ავსტრალიურ დოლარს; - 14 კითხვა: არსებობს თუ არა გამონაკლისი გარე მივლინების დროს?
- 14 პასუხი: კი არსებობს, თუ დაქირავებულის მივლინებას ქვეყნის ფარგლებს გარეთ მიმღები მხარე უზრუნველყოფს მხოლოდ კვების ხარჯებით, მაშინ მისი სადღეღამისო ხარჯების ნორმა განისაზღვრება ბრძანების დანართი N1-ში გათვალისწინებული სადღეღამისო ნორმის 30 პროცენტის ოდენობით (ანუ თუ წერია დანართში ავსტრალიაში 135 დოლარი ბინის დაქირავების ნორმა მაშინ ეს თანხა გადაიქცევა 40.5 ავტსრალიურ დოლარად);
- დამატებითი კითხვების შემთხვევაში დამიკავშირდით: ადვოკატი გურამ კონტუაძე, სრული იურიდიული და საადვოკატო მომსახურება საქართველოს მთელ ტერიტორაზე; tel/vibe/ WhatsApp: 995591976764;mail: guram.kontuadze@gmail.com; facebook;
გახსოვდეთ პრეცედენტებს ვქმნით ჩვენ